Հրկիզված թղթեր

«Հրկիզված թղթեր»-ը Վահան Թոթովենցի վիպակն է պրոֆեսոր Միքայել Մելիք-Անդրեասյանի մասին, որի կյանքը հայտնվում է մեծ պատմական փոփոխությունների կենտրոնում։ Հայաստանի խորհրդայնացումից հետո նա դժվարությամբ է ընդունում նոր իրականությունը և շարունակում է իդեալականացնել Արևմտյան Եվրոպան՝ այն համարելով քաղաքակրթության ու ազատության օրինակ։ Սակայն հետագա փորձառությունները աստիճանաբար ստիպում են նրան վերանայել իր համոզմունքներն ու սեփական անցյալը։ Անձնական հարաբերությունները, քաղաքական փոփոխություններն ու ներքին պայքարը նրան հասցնում են մի կետի, երբ հին կյանքի հիշողություններից ազատվելը դառնում է նոր սկիզբի խորհրդանիշ։ Թոթովենցը մարդու ճակատագրի միջոցով ներկայացնում է գաղափարների բախումը, ժամանակի փոփոխությունն ու սեփական համոզմունքների վերագնահատման դժվար ճանապարհը։